L-Aġenzija Żgħażagħ issieħbet mal- Assoċjazzjoni Ewropea tal-Karta Żgħażagħ biex tappoġġja aktar żgħażagħ biex ikunu soċjalment, kulturalment, b’mod edukattiv u ekonomikament mobbli.
Il-Karta Żgħażagħ tintitola lid-detenturi għal bosta skontijiet fuq l-ivvjaġġar, il-kultura, l-akkomodazzjoni, l-edukazzjoni, is-servizzi u l-prodotti f’36 pajjiż madwar l-Ewropa.
Barra minn hekk, is-36 pajjiż kollha jiżviluppaw u jipprovdu programmi u opportunitajiet fl-oqsma tal- volontarjat, tagħlim, impjiegi, l-intraprenditorija u ħafna affarijiet oħra.
M’għandekx għalfejn tkun student biex tikseb il-Karta Żgħażagħ. Hija disponibbli għaż-żgħażagħ kollha bejn it-13 u t-30 sena. Il-Karta Żgħażagħ f’Malta tingħata b’xejn.
Biex tapplika għall- Karta Żgħażagħ tista’:
- Timla l-formola tal-applikazzjoni online minn kull ħolqa hawn taħt:
EYCA Card / Karta Żgħażagħ Application – Verżjoni bl-Ingliż
EYCA Card / Karta Żgħażagħ Application –Verżjoni bil-Malti - Tipprintja u tibgħat l-applikazzjoni lill-Aġenzija Żgħażagħ, Triq il-Kbira San Ġużepp, Santa Venera, SVR 1013. (Jekk jogħġbok inkludi ritratt tad-daqs tal-passaport.)
- Tapplika personalment fl-Uffiċċju Prinċipali tal-Aġenzija Żgħażagħ f’Santa Venera. (Jekk jogħġbok ġib ritratt tad-daqs tal-passaport.)
Il-Kard se titlesta fi żmien tlett ijiem minn meta tiġi sottomessa l-applikazzjoni tieghek u tintbagħat permezz tal-posta tal-gvern fl-indirizz indikat fuq il-formola. Jekk trid tiġi tiġbor il-kard mill-uffiċċju ta’ Aġenzija Żgħażagħ ġewwa Santa Venera, inti ġentilment mitlub tikkuntattjana fuq 22586700. F’każ li l-kard ma tasalx, wieħed għandu ġentilment jikkuntattja l-uffiċċju ta’ Aġenzija Żgħażagħ fuq 22586700.
